Apai Peter tu asal ari Kampung Merdang Lumut, pegai menua Kota Samarahan lalu indai iya ari Gensurai, Layar di Betong. Munyi ti bula cherita, tang tu meh ke amat. Iya enda sempat diadaka indai iya di rumah panjai tang ada ba langkan perau pukul 4 dini hari di Lubok Palai ari ili Lubok Tanu, Batang Layar ti tebilang mayuh baya diatu. Nyadi apai iya tu kelia gawa ba opis pengerai di Betong enggau ba mayuh bengkah menua pesisir di Sarawak ditu lalu pengelama nya meh sida Peter menyadi beridup nitihka periuk apai sida. Taun 1972, dia apai iya pindah gawa ari Sibu ke Kuching ke lalu ngepunka sida sebilik diau mendam di Kuching datai ke diatu.
Sida Peter bisi lima iku diri menyadi lalu siku ari menyadi iya ti udah nerengkahka diri ba dunya pemerindang iya nya ‘Lemambang Lemai’ tauka nama amat Anyai John Jaban, ti pengabis tuai sida menyadi. Anyai tu Electrical Engineer lalu udah kala gawa nyadi General Manager ba siti kompeni Batu Arang. Diatu iya muka dagang industri pemerindang iya nya eRA Music Production begulai enggau Cobbold John, siti kompeni ti ngeluarka bala penanyi-penanyi baru baka sida Lemambang Lemai empu, Flora, Cynthia Beatrice enggau Dara Cherira. Peter tu nombor dua tuai nangkanka Anyai. Tiga iku agi biak ari Peter nya indu magang. Taja ukai datai ari apai indai ti bepemesi, tang semua sida diri menyadi Graduate magang. Entara semua sida menyadi lima iku, Peter madah iya meh ke suah ngasuh apai indai enggau sida sebilik balat irau ketegal perangai iya jauh bida ari sida menyadi iya ke bukai. Semua sida menyadi bela udah bisi ruang bilik kediri lalu bela diau mendam ba genturung Matang Jaya di Kuching. Taja pia, kaul sida Peter menyadi enggau diri sebilik seruran diibun enggau meruan. Kaul sida sebilik ke manah baka nya endang ketegal chuan ti manah. Ketegal tiris pantis ari apai indai ti ngembuan pengelandik nempa ulah enggau perangai bala anak.
Badu besekula suba, Peter lalu ngenyinakka diri enggau dunya pemerindang. Iya keterubah gawa nyadi Assistant DJ ba The Bionic Disco di Holiday Inn, Kuching. Pengawa iya maya nya diasuh orang nusun sereta nuchi rekod (pirin hitam). Ngasaika diri enda tentu tusah deka nitihka rentak orang, ari nya tumbuh meh pengerindu ba ati iya deka belajar nyadi DJ. Seninjik bendar mega, DJ ke gawa dia nya lalu bekaban enggau Peter, iya nya siku DJ ti professional ari menua Singapore ti benama Dino Farentino. Tiga bulan udah nya Peter lalu dibai ke Singapore, gawa sambil belajar ba siti palan pemerindang ti besai (FIRE discotheque). Maya nya Peter mega sesekali diberi peluang belajar mansutka jaku enggau vocal ari siku DJ tebilang Singapore iya nya Patrick Teoh. Pengelama ke gawa dia, enggau bantu sereta tunjuk ajar dua iku Mentor, Peter mega nguji minta belajarka DJ ba siti palan pematih DJ Professional (Salosa International Sound Services). Ba palan nya, Peter diajar Bernard Salosa chara bejaku enggau chara mansutka nyawa ti betul. Nasit bendar ari gemung nyawa sereta pengelandik bejaku ribai iya ke endang bisi, iya diterima ba palan nya. (Belatih sambil gawa). Mayuh bendar DJ ti sama belajar enggau Peter udah nyadi DJ tebilang di serata Asia. Peter meh siku ari bansa Dayak ti keterubah iya nyadi DJ Professional, lalu gawa ba mayuh bengkah palan pemerindang ba ikas entarabansa di Singapore nyengkaum nyadi DJ radio ba siti setesen radio ti ngati kediri (Z00 FM) ba pulau Batam (Indonesia) ti mancharka progrem ngagai Singapore.
Ukai semina mai lagu ti dikena merindang aja tang mega iya kekadang bisi mantaika silap mata sereta mayuh ulah ke bukai nyengkaum makai tauka mansutka api ari nyawa. Nya mega siti ari pengelandik iya, pengelandik ti nelesak ari penyelai ulah. Ukai penyelai ke enda manah tang penyelai ti jarang dikembuan mensia ke bukai. Bejaku pasal dunya ‘Seni’ tauka Art, Peter madahka diri rindu bendar ninga semua leka main
Iban baka pengap, pelandai, ganu, jawang, pantun tauka dungai. Taja baka nya, nadai siku ga sida menyadi murih tauka nyuan ini sida ke tebilang nyadi lemambang sabak di Batang Layar, iya nya Edut Anak Ula, ti SENAWAH agi disebut orang Indai Tebari. Taja pen Peter enda nemu bepantun, bedungai, melandai, nimang tauka main asal ke bukai tang pengerindu ke main asal enda alah buai laban nya meh identiti bansa Iban ke patut dikemeran dataika jemah ila, kenu ku iya. Nya alai diatu Peter benung belajar semua pengawa main lama.
Sida Peter bisi lima iku diri menyadi lalu siku ari menyadi iya ti udah nerengkahka diri ba dunya pemerindang iya nya ‘Lemambang Lemai’ tauka nama amat Anyai John Jaban, ti pengabis tuai sida menyadi. Anyai tu Electrical Engineer lalu udah kala gawa nyadi General Manager ba siti kompeni Batu Arang. Diatu iya muka dagang industri pemerindang iya nya eRA Music Production begulai enggau Cobbold John, siti kompeni ti ngeluarka bala penanyi-penanyi baru baka sida Lemambang Lemai empu, Flora, Cynthia Beatrice enggau Dara Cherira. Peter tu nombor dua tuai nangkanka Anyai. Tiga iku agi biak ari Peter nya indu magang. Taja ukai datai ari apai indai ti bepemesi, tang semua sida diri menyadi Graduate magang. Entara semua sida menyadi lima iku, Peter madah iya meh ke suah ngasuh apai indai enggau sida sebilik balat irau ketegal perangai iya jauh bida ari sida menyadi iya ke bukai. Semua sida menyadi bela udah bisi ruang bilik kediri lalu bela diau mendam ba genturung Matang Jaya di Kuching. Taja pia, kaul sida Peter menyadi enggau diri sebilik seruran diibun enggau meruan. Kaul sida sebilik ke manah baka nya endang ketegal chuan ti manah. Ketegal tiris pantis ari apai indai ti ngembuan pengelandik nempa ulah enggau perangai bala anak.
Badu besekula suba, Peter lalu ngenyinakka diri enggau dunya pemerindang. Iya keterubah gawa nyadi Assistant DJ ba The Bionic Disco di Holiday Inn, Kuching. Pengawa iya maya nya diasuh orang nusun sereta nuchi rekod (pirin hitam). Ngasaika diri enda tentu tusah deka nitihka rentak orang, ari nya tumbuh meh pengerindu ba ati iya deka belajar nyadi DJ. Seninjik bendar mega, DJ ke gawa dia nya lalu bekaban enggau Peter, iya nya siku DJ ti professional ari menua Singapore ti benama Dino Farentino. Tiga bulan udah nya Peter lalu dibai ke Singapore, gawa sambil belajar ba siti palan pemerindang ti besai (FIRE discotheque). Maya nya Peter mega sesekali diberi peluang belajar mansutka jaku enggau vocal ari siku DJ tebilang Singapore iya nya Patrick Teoh. Pengelama ke gawa dia, enggau bantu sereta tunjuk ajar dua iku Mentor, Peter mega nguji minta belajarka DJ ba siti palan pematih DJ Professional (Salosa International Sound Services). Ba palan nya, Peter diajar Bernard Salosa chara bejaku enggau chara mansutka nyawa ti betul. Nasit bendar ari gemung nyawa sereta pengelandik bejaku ribai iya ke endang bisi, iya diterima ba palan nya. (Belatih sambil gawa). Mayuh bendar DJ ti sama belajar enggau Peter udah nyadi DJ tebilang di serata Asia. Peter meh siku ari bansa Dayak ti keterubah iya nyadi DJ Professional, lalu gawa ba mayuh bengkah palan pemerindang ba ikas entarabansa di Singapore nyengkaum nyadi DJ radio ba siti setesen radio ti ngati kediri (Z00 FM) ba pulau Batam (Indonesia) ti mancharka progrem ngagai Singapore.
Ukai semina mai lagu ti dikena merindang aja tang mega iya kekadang bisi mantaika silap mata sereta mayuh ulah ke bukai nyengkaum makai tauka mansutka api ari nyawa. Nya mega siti ari pengelandik iya, pengelandik ti nelesak ari penyelai ulah. Ukai penyelai ke enda manah tang penyelai ti jarang dikembuan mensia ke bukai. Bejaku pasal dunya ‘Seni’ tauka Art, Peter madahka diri rindu bendar ninga semua leka main
Iban baka pengap, pelandai, ganu, jawang, pantun tauka dungai. Taja baka nya, nadai siku ga sida menyadi murih tauka nyuan ini sida ke tebilang nyadi lemambang sabak di Batang Layar, iya nya Edut Anak Ula, ti SENAWAH agi disebut orang Indai Tebari. Taja pen Peter enda nemu bepantun, bedungai, melandai, nimang tauka main asal ke bukai tang pengerindu ke main asal enda alah buai laban nya meh identiti bansa Iban ke patut dikemeran dataika jemah ila, kenu ku iya. Nya alai diatu Peter benung belajar semua pengawa main lama.Hobi
Hobi, iya rindu bemain enggau injin ti deras (High speed) baka jetski, go-kart enggau motocross. Iya kala ngarika menua Sarawak belumba motocross di Brunei enggau mayuh agi endur bukai. Iya mega belumba jetski ngarika kelab di menua kuching. Peter enggau kaban iya Alex Wong (anak Datuk James Wong) kala disponsor sereta ngarika menua Malaysia belumba Jetski ba menua Amerika Syarikat. Taja pia, iya nadai kala bulih nombor. Peter suah enggau orang matau menua ngena motosikal besai ke Indonesia, Brunei enggau Sabah lalu dua kali udah beraban ari Kuching datai ke Phuket, Thailand lalu pulai baru ke Kuching. Peter bisi nyeritaka diri ti kala nyau deka bebadi lebuh ti eksiden ngena motosikal bekuasa tinggi ba jalai Santubong suba. Iya udah kala patah tulang rusuk enggau lengan ketegal eksiden maya belumba motocross. Bepun ari nya iya nyurutka diri dalam semua lumba nya.
Hobi iya ukai semina nya aja. Iya rindu ngumpul motosikal, kerita sport ti klasik. Ngumpul barang ke lama-lama nya mega siti ari pengerindu iya. Ba rumah Peter, enda ibuh sebut reta lama Iban baka sida tabak, baku, bedil, tajau enggau benda. Neh sida lanji, baka, ladung, raga, ma, pemansai bekedugau, betekitang aja sebelah bilik nyadi pengias. Sekeda reta nya dirintaika sebelah nisi dinding. Iya madah, siti ari lanji ti dikembuan iya dia nya lanji ti digaga lebih 150 taun ti lalu. Lanji nya diberi petungal ini iya ari Ulu Layar. Peter madahka lanji ke lama-lama ke bisi dikembuan iya dia nya ke mayuh agi endang pemeri ari orang ba menua pesisir ke udah kala alai iya nemuai. Ba tiap iti perengka ti diberi orang nya endang bisi dituliska Peter nama sereta rumah panjai sida ti meri nya. Kebuah pia kenu ku iya, nya dikena ngingatka menua enggau orang ti udah meri iya.
Hobi iya ukai semina nya aja. Iya rindu ngumpul motosikal, kerita sport ti klasik. Ngumpul barang ke lama-lama nya mega siti ari pengerindu iya. Ba rumah Peter, enda ibuh sebut reta lama Iban baka sida tabak, baku, bedil, tajau enggau benda. Neh sida lanji, baka, ladung, raga, ma, pemansai bekedugau, betekitang aja sebelah bilik nyadi pengias. Sekeda reta nya dirintaika sebelah nisi dinding. Iya madah, siti ari lanji ti dikembuan iya dia nya lanji ti digaga lebih 150 taun ti lalu. Lanji nya diberi petungal ini iya ari Ulu Layar. Peter madahka lanji ke lama-lama ke bisi dikembuan iya dia nya ke mayuh agi endang pemeri ari orang ba menua pesisir ke udah kala alai iya nemuai. Ba tiap iti perengka ti diberi orang nya endang bisi dituliska Peter nama sereta rumah panjai sida ti meri nya. Kebuah pia kenu ku iya, nya dikena ngingatka menua enggau orang ti udah meri iya.
Sumber:
Iklhas ,
Don't forget to Follow / Subscribe Bungai pengrindu
|| Masalah Cinta?|| Novel Pendek || Blog Wiget|| Blog Template || TV1 Online || TV2 Online || TV3 Online || Ebook || Software|| Animasi Borneo ||
2 comments:
trima kasih pengerindu. enti ulih beri maio agik pasal artis iban.
Indai Kandau.
hey your blog design is very nice, clean and fresh and with updated content, make people feel peace and I always enjoy browsing your site.
- Thomas
Catat Ulasan